Yavmutov Dilshod Shoyimardonkulovich 1977 yil 12 fevralda Buxoro shahrida tugʼilgan. 1994-1999 yillarda Buxoro davlat universitetida Geografiya mutaxassisligini oʼqib tugatgan.
1994-1999 yy. - Buxoro davlat universiteti talabasi;
1999-2000 yy. - Buxoro Davlat universiteti Geografiya kafedrasi oʼqituvchisi;
2000-2003 yy. - Buxoro Davlat universiteti Magistratura boʼlimi boshligʼi;
2003-2007 yy. - Buxoro Davlat universiteti Iqtisodiyot katta oʼqituvchisi;
2004-2007 yy. - Buxoro Davlat universiteti Iqtisodiyot fakulteti; dekanining iqtisod va tadbirkorlik ishlari boʼyicha muovini
2007-2009 yy. - Oʼzbekiston Milliy universiteti Iqtisodiyot fakulteti Mintaqaviy iqtisodiyot kafedrasi aspiranti (kunduzgi);
2010-2012 yy. - Buxoro Davlat universiteti Iqtisodiyot kafedrasi oʼqituvchisi;
2012-2015 yy. - Qorakoʼl iqtisodiyot kolleji direktori;
2015-2015 yy. - Buxoro davlat universiteti Iqtisodiyot kafedrasi dotsenti;
2015-2017 yy. - Buxoro davlat universiteti 4-son Аkademik litsey direktori;
2017-2017 yy. - Buxoro davlat universiteti Iqtisodiyot kafedrasi dotsenti;
2017-2019 yy. - Buxoro davlat universiteti Taʼlim sifatini nazorat qilish boʼlimi boshligʼi;
2019- 2024 yy. - Buxoro davlat universiteti Iqtisodiyot va turizm fakulteti dekani.
2024 - h.v - Buxoro davlat universiteti Yoshlar masalalari va ma'naviy-ma'rifiy ishlar bo'yicha Birinchi prorektor.
Yavmutov Dilshod 2012 yilda “Iqtisodiyotni modernizatsiyalash sharoitida sugʼoriladigan yerlardan foydalanishning hududiy xususiyatlari (Buxoro viloyati misolida)” mavzusida nomzodlik dissertatsiyasini mintaqaviy iqtisodiyot va qishloq xoʼjaligi iqtisodiyoti ixtisosliklari tutashligida muvafaqiyatli himoya qilgan.
D.Yavmutov Yevropa ittifoqining TEMPUS, ERASMUS+ va PASCH dasturlari doirasida Oʼzbekistonda taʼlim jarayonlarini zamonaviylashtirish boʼyicha grantlar ishtirokchisi. Hozirda Yevropa Ittifoqining Erasmus+ dasturi BioEcUz loyihasi “O‘zbekistonda bioiqtisodiyotni barqaror rivojlantirish” dasturi ishtirokchisi.
Davlat ilmiy-texnika dasturlari doirasida Buxoro davlat universitetida amalga oshirilayotgan OT-А-QX-2018-22 “Chorvachilikning ozuqa bazasini rivojlantirish orqali chorvachilik mahsulotlari yetishtirishning iqtisodiy samaradorligini oshirish (Buxoro viloyati misolida)” mavzusidagi 2018-2020 yillarga moʼljallangan amaliy tadqiqot loyihasida shtirok etgan.
U shuningdek, 2018 yilda oʼtkazilgan III-Xalqaro ijtimoiy fanlar kongressi INCSOS-2018 hamda 2020 va 2021 yillarda oʼtkazilgan Xalqaro ilmiy kongresslar – SOCIETY OF AMBIENT INTELLIGENCE 2020, 2021 (III-ISC-2020, IV-ISC-2021) xalqaro kongresslar kordinatori sifatida anjumanlarning yuqori saviyada oʼtishiga oʼz hissasini qoʼshdi.
2018-yil mart-aprel oylarida Oʼzbekiston Respublikasi Oliy va oʼrta-maxsus taʼlim vazirligi huzuridagi Bosh ilmiy metodik markazda “Oliy taʼlim menejmenti” dasturi boʼyicha malaka oshirgan. 2021 yil dekabr-2022 yil yanvar oylarida Rossiya federatsiyasining Qozon (Privolye) federal universitetida “Zamonaviy universitet” dasturi boʼyicha malaka oshirgan.
2024-yil aprel oyida Oʼzbekiston Respublikasi Oliy va oʼrta-maxsus taʼlim vazirligi huzuridagi Bosh ilmiy metodik markazda “Oliy taʼlim menejmenti” dasturi boʼyicha malaka oshirgan.
Dilshod Yavmutov 100 dan ortiq oʼquv, oʼquv-uslubiy, ilmiy va ilmiy-uslubiy ishlar muallifi, Respublika va xalqaro miqyosidagi 50 dan ortiq konferentsiyalar ishtirokchisi. Jumladan, u 8 ta xorijiy jurnalda maqolalar, 21 ta xalqaro konferentsiyadagi maqola va tezislar hamda 4 ta monografiya, 2 ta oʼquv qoʼllanma, 5 ta oʼquv-uslubiy qoʼllanma, 3 ta uslubiy qoʼllanma muallifi hisoblanadi. Ilmiy izlanishlarining yoʼnalishlari:
- Mintaqalarda yashil iqtisodiyotni joriy qilish;
- Rekreatsiya resurslaridan samarali foydalanish;
- Oliy taʼlimni rivojlantirish.
Аyrim ilmiy-uslubiy ishlari
1. D.Sh.Yavmutov. Sug‘oriladigan yerlardan foydalanish samaradorligini oshirish. Iqtisodiyot va taʼlim jurnali. № 3 son. 2008 y. – B. 62 – 65.
2. Д.Ш.Явмутов. Рациональное водопользование – фактор повышения эффективности использования орошаемых земель. Журнал «Экономика и финансы»(Россия). 2008, декабрь. № 12. – С. 60 – 62.
3. Д.Ш.Явмутов. Основы инфраструктури. Учебно-методическое пособие. Бухара. «Бухара», 2012. 163 с.
4. Д.Ш.Явмутов. Минтақада аграр секторни ривожлантириш истиқболлари. “Ҳудудий иқтисодиётни ривожлантириш йўналишлари”. Республика илмий-амалий анжумани материаллари. – Бухоро; 2013. – Б. 127 – 129.
5. Д.Ш.Явмутов. Иқтисодиётни модернизациялаш шароитида суғориладиган ерлардан фойдаланишнинг ҳудудий хусусиятлари. Монография. Шарқ-Бухоро МЧЖ. – Бухоро; 2013, - 202 б.
6. Д.Ш.Явмутов. Ердан фойдаланиш самарадорлигини оширишда ҳудудларни минтақалаштириш масалалари. “Суғорма деҳқончиликда ер-сув ресурсларидан оқилона фойдаланишнинг экологик жиҳатлари”. Республика илмий-амалий анжуман материаллари тўплами. Бухоро. – Б. 322-324.
7. Д.Ш.Явмутов., Ҳайдаров Н.Р. Бизнес режа ва уни тузиш. Касб-ҳунар коллежлари учун услубий қўлланма. Бухоро, “Истедод”. 2015. – 64 б.
8. Д.Ш.Явмутов. Бухоро вилоятида ноанъанавий туризмни ривожлантириш истиқболлари. “Бухорода туристик эркин иқтисодий ҳудудни яратиш имкониятлари ва ривожланиш истиқболлари”. Халқаро илмий-амалий конференция материаллари тўплами. Бухоро. 2017. – Б. 315-319.
9. Д.Ш.Явмутов. Минтақа экспорт солоҳияти ва уни янада ривожлантириш йўналишлари. Бухоро Давлат университети илмий ахборотлари. №4, 2017. – Б. 159-164.
10. Д.Ш.Явмутов. Юлдошева Б. Таълим менежменти: бугунги кун муаммолари ва уларнинг ечимлари. “Таълим ва иқтисодиёт соҳаларида ҳамкорлик масалалари” халқаро илмий-амалий конференция мақолалар тўплами. 2017 йил 18 ноябрь. Бухоро, 2017. – Б. 268-271.
11. Д.Ш.Явмутов. Бухорода туризмни ривожлантиришда ҳудуднинг ўзига хос хусусиятларидан фойдаланиш. Бухоро вилоятининг туристик ва инвестицион салоҳияти. Халқаро илмий-амалий конференция тезислари тўплами. Бухоро. 2018. – Б. 136-138.
12. Д.Ш.Явмутов, Жўраев А.Т. Минтақавий ва халқаро тенденциялар доирасида олий таълимнинг долзарблиги ва унинг сифатини таъминлаш. Туризм, таълим ва иқтисодиёт соҳаларида стратегик ислоҳотлар долзарблиги. Халқаро илмий амалий конференция мақолалари тўплами. Бухоро. 2018. – Б. 9-15.
13. Д.Ш.Явмутов, О.Ҳ. Рахимов. Агросаноат мажмуаси иқтисодиёти: қишлоқ хўжалигида ер-сув фонди ва ундан самарали фойдаланиш. Ўқув қўлланма. Бухоро. Дурдона. 2019. –140 б.
14. Д.Ш.Явмутов, Рахимов О.Х. Экономика природопользования. Учебное пособие. Бухара. Дурдона. 2018. – 312 с.
15. Д.Ш.Явмутов. Effective use desert pastures (as an example of Bukhara region). Electronic journal of actual problems of modern science, education and training. October 2019. Volume-IV. – P. 194-205. http://khorezmscience.uz.
16. Д.Ш.Явмутов, O.H.Rakhimov Elaboration of regional strategies for the development and improvement of land and water in agriculture. Научно-методический журнал “Academy” (Россия). №2 (53), 2020. Российский импакт-фактор 0,19. – C. 16-17.
17. Д.Ш.Явмутов. Туризмни ривожлантиришда ҳудуднинг рекреация ресурсларидан самарали фойдаланиш. Бухорода ислом маданиятини модернизациялаш ва туризмни барқарор ривожлантириш истиқболлари. Халқаро илмий амалий анжуман материаллари. Бухоро. 24 февраль, 2020 йил. – Б. 35-37.
18. Д.Ш.Явмутов, М.Шойимардонкулов, М.Кудратов. Олий таълимнинг замонавий тенденциялари ва унда раҳбар кадрларнинг роли. Монография/ “Sadriddin Salim Buxoriy” Durdona nashriyoti. Бухоро. 2020. – 120 б.
19. Д.Ш.Явмутов, O.H.Rakhimov, Kh.R.Toshov. Natural Geographical Description, Land and Water Fund of Bukhara Region, its Usage Problems. International Journal of Advanced Science and Technology. Vol. 29, No. 9s, (2020), pp. 5724-5735.
20. Д.Ш.Явмутов, М.А.Орипов, А.А.Қодиров, С.С.Давлатов. Чорвадор учун қўлланма. Амалий услубий қўлланма. – Тошкент. 2020.
21. Д.Ш.Явмутов, О.Ҳ.Раҳимов Pilgrimage tourism and its prospects in Uzbekistan. Economics. № 1 (48), 2021. pp. 25-27.
22. Д.Ш.Явмутов, Ҳ.Р.Туробова, М.Т.Амонов, Ф.Ҳ.Ахмедова. Агросаноат мажмуаси иқтисодиёти. Электрон ўқув қўлланма. – Тошкент. 2021.
23. Д.Ш.Явмутов. Туризм пандемия ва постпандемия шароитида: асосий йўқотишлар ва тикланишнинг истиқбол йўналишлари. Пандемиядан кейинги даврда туризмни барқарор ривожлантиришнинг истиқболли йўналишлари. Республика илмий-амалий анжумани материаллари. 2021 йил 5-6 октябр, Бухоро. Бухоро, 2021. – Б. 5-7.
24. Д.Ш.Явмутов. Ҳудудларнинг табиий ресурсларини туристик-рекреацион баҳолаш масалалари. Пандемиядан кейинги даврда туризмни барқарор ривожлантиришнинг истиқболли йўналишлари. Республика илмий-амалий анжумани материаллари. 2021 йил 5-6 октябр, Бухоро. Бухоро, 2021. – Б. 7-9.
25. Д.Ш.Явмутов, Г.Бобоева, А.Қурбонов. Минтақавий иқтисодиёт. Олий ва ўрта махсус таълим вазирлигининг 2021 йил 25 декабрдаги №538 сонли буйруғи билан ўқув қўлланма сифатида тавсия этилган. Бухоро. “Садриддин Салим Бухорий” Дурдона. 2022. – 200 б.
26. Д.Ш.Явмутов. Проблемы эффективного использования орошаемых земель Бухарского вилоята и пути их улучшения. "Iqtisodiyot va turizm" xalqaro ilmiy va innovatsion jurnali. №2(2) 2021. B. 36-41.
27. Д.Ш.Явмутов, Н.К.Шарапова. Green factor of economic growth in Uzbekistan. Gospodarka i innowacje. ISSN: 2545-0573. Volume: 23/2022 – P. 102-104. http://www.gospodarkainnowacje.pl/index.php/poland/article/download/324/301
28. Д.Ш.Явмутов, М.Р.Кудратов. Mintaqa iqtisodiy resurslaridan samarali foydalanishni takomillashtirish yo‘llari (Buxoro viloyati misolida). Монография/ “Sadriddin Salim Buxoriy” Durdona nashriyoti. Бухоро. 2022. – 184 б.
29. Д.Ш.Явмутов. O‘zbekistondа sаnoаtni yashil iqtisodiyot tаmoyillаri аsosidа rivojlаntirish mаsаlаlаri. “Sanoat va xizmat ko‘rsatish sohalarining raqamli transformatsiyasi: tendensiyalar, boshqaruv, strategiyalar”. Xalqaro ilmiy-amaliy anjuman materiallari to‘plami. Buxoro. 2022 yil 2-3 mart. – B. 15-17.
Yoshlar masalalari va ma'naviy-ma'rifiy ishlar bo'yicha Birinchi prorektor
23.12.2021
Yoshlar bilan ishlash bo`yicha prorektorining lavozim vazifalari:
O‘zbekiston Respublikasi qonunlari, Prezident farmonlari va farmoyishlari, Oliy Majlis va Vazirlar Mahkamasining ta’lim va kadrlar tayyorlash sohasidagi qarorlarini amalga oshirishni tashkil etish;
Davlat ta’lim standartlari asosida o‘quv, ilmiy, moliyaviy va ma’naviy-tarbiya ishlarini tashkil etish va malakali kadrlar tayyorlashni ta’minlash;
Davlat ta’lim standartlariga muvofiq bilimlar mazmuni va tayyorgarlik darajasiga qo‘yiladigan talablar majmuasini barcha dekanlar va bo‘limlar, kafedra mudirlari va pedagog o‘qituvchilarning to‘liq bilishini ta’minlash;
Yuksak ma’naviy-axloqiy fazilatli, mustaqil fikrlashga qodir bo‘lgan yuqori ma’lumotli, malakali kadrlar tayyorlashni ta’minlash;
Talaba-yoshlar ongiga milliy g‘oyani singdirish, ma’naviy-axloqiy tarbiya ishlarini olib borishning amaliy, ta’sirchan mexanizmlarini shakllantirish;
Ma’naviy-ma’rifiy ishlarning joriy va istiqbolli rejalarini ishlab chiqish hamda ularning qat’iy amalga oshirilishini nazorat qilish mexanizmini vujudga keltirish;
Ma’naviy-ma’rifiy ishlar tizimi uchun zarur me’yoriy hamda uslubiy hujjatlarni, amaliy tadbirlar rejalarini ishlab chiqish;
O‘zbekiston Respublikasi Prezidenti va hukumati tomonidan qabul qilingan farmon va qarorlarni talabalarga, professor-o‘qituvchilarga o‘z vaqtida yetkazish hamda har tomonlama tushuntirishni tashkil qilish;
Vakolatli davlat organlarining ma’naviy-ma’rifiy masalalar bo‘yicha qabul qilgan hujjatlarini oliy ta’lim muassasasi jamoasiga o‘z vaqtida yetkazish va ulardagi tadbirlarning bajarilishini ta’minlash;
Ta’lim muassasalari professor-o‘qituvchilari va talabalari o‘rtasida jamiyatni erkinlashtirish talablariga mos ijtimoiy muhitni shakllantirish uchun kerakli sharoitlarni ta’minlash;
Demokratik huquqiy davlat va fuqarolik jamiyati barpo etishda talabalardagi ma’naviy boqimandalik kayfiyatini yo‘qotish va ularda o‘z tafakkurini doimiy rivojlantirish ehtiyojini shakllantirish;
Huquqiy tarbiyani amalga oshirish va huquqbuzarlikning oldini olish maqsadida huquq- tartibot idoralari bilan hamkorlikda ishlash;
Mamlakat va xalqaro hayotga oid axborotlarni keng jamoatchilikka, pedagoglar va talabalarga yetkazish tizimini tashkil etish;
Ma’naviy-ma’rifiy masalalarga oid ilmiy, uslubiy va amaliy adabiyotlar, qo‘llanmalar tayyorlash hamda ularni chop ettirish ishlarini yo‘lga qo‘yish;
Ijtimoiy-gumanitar kafedralarda o‘qitiladigan fanlarni uslubiy va informatsion (adabiyot, qo‘llanma va sh.k.) ta’minlashni, professor-o‘qituvchilar salohiyati va malakasi masalalarini o‘rganish, tahlil qilish, tegishli takliflar tayyorlash;
Ijtimoiy-gumanitar fanlardan yakuniy davlat attestatsiyasi komissiyalari tarkibini shakllantirish bo‘yicha tegishli takliflar tayyorlash;
Talabalarning bo‘sh vaqtini mazmunli o‘tkazishni tashkil qilish. Ta’lim muassasasida talaba-o‘quvchilarning qiziqishlariga muvofiq yo‘nalishlar va ixtisosliklar, kasb-hunar turlari bo‘yicha to‘garaklar, kichik korxonalar, talaba-yoshlarning darsdan bo‘sh vaqtlarini unumli va foydali mehnat bilan band qilishga qaratilgan (haq to‘lanadigan) tuzilmalar tashkil etish;
Ta’lim muassasasida talabalar turar joylarining sharoitlarini unda istiqomat qilayotgan talabalar talablariga har tomonlama javob berishini muntazam nazorat ostiga olish;
Talaba-o‘quvchilar orasida badiiy adabiyotni, xususan O‘zbekistonda mustaqillik yillarida yaratilgan yuksak saviyali badiiy asarlarni o‘qish va o‘rganish ishlariga alohida e’tibor berish. Bu maqsadda badiiy asarlarning eng yaxshi talqini, tahlili va taqrizi uchun maxsus ko‘rik-tanlovlar, kitobxonlar konferensiyalari, muallif va adiblar bilan uchrashuvlar uyushtirish, g‘oliblarni rag‘batlantirish. Ta’lim muassasasi axborot resurs markazini turli badiiy, publitsistik asarlar, ilmiy-ommabop nashrlar bilan boyitib borish;
Ta’lim muassasasi sport-sog‘lomlashtirish, maishiy xizmat, ovqatlanish, dam olish, madaniy hordiq chiqarish tizimlarining uzluksiz va sifatli ishlashini ta’minlash masalalarini nazorat qilish;
Kam ta’minlangan, ko‘p bolali oilalardan chiqqan talabalarning moddiy ahvoli haqidagi ma’lumotlarni olish va ularni ijtimoiy muhofaza qilish bo‘yicha muntazam ish olib borish;
Talabalarning ota-onalari, mahalliy hokimiyatlar, xayriya jamg‘armalari, mahallalar bilan fakultetlar va ta’lim muassasasining hamkorlikda olib boradigan ishlarini tashkil etish hamda nazorat qilish;
Ko‘p nusxali va devoriy gazetalarning muntazam chiqishini ta’minlash, ularda ta’lim muassasasida ma’naviy-ma’rifiy masalalar bo‘yicha amalga oshirilayotgan ishlarni doimiy yoritib borish;
Konkurslar, festivallar, badiiy havaskorlik to‘garaklari ko‘riklarini va olimpiadalarni muntazam o‘tkazishni tashkil etish;
Respublika, viloyat va shahar miqyosida bo‘ladigan turli jamoat ishlarida, tadbirlarda professor-o‘qituvchilar va talabalarning faol ishtirokini ta’minlash;
Ma’naviy-ma’rifiy va tarbiyaviy ishlar yo‘nalishlari hamda ularning samaradorligini oshirish bo‘yicha takliflar kiritish;
Professor-o‘qituvchilar va talabalar munosabatida odob-axloq me’yorlari va yuqori muomala madaniyatini tarkib toptirish.
